Dec
25
ඊයේ රාත්‍රී සිට පැය 10 ක 12 ක කාලයක් බිඳ වැටී තිබූ ස්කයිප් අන්තර්ජාල නොමිල දුරකතන ඇමතුම් සේවය මේ වනවිට ශ්‍රී ලංකාව හා අවට රටවලට ක්‍රමයෙන් යථා තත්ත්වයට පත් වෙමින් පවතින බව, එහි තාක්ෂණ අංශ උපුටා දක්වමින් විදෙස් වෙබ් අඩවි වාර්තා කරයි.
මෙම බිඳ වැටීමට හේතු තවම නිශ්චිතවම වාර්තා වී නැතත් එහි නිළ බ්ලොග් අඩවිය හා ට්විටර් වෙබ් අඩවියේ දැක්වෙන්නේ මෙම බිඳ වැටීම තාක්ෂණික දෝෂ මත සිදුවන්නට ඇති බවත් විශේෂයෙන් නත්තල් නිවාඩු සමයේ බොහෝ පිරිස් මෙය වටා ගොනුවීම ඇතැම් ප්‍රදේශ වලට මෙම සේවා අක්‍රීය වීමට හේතුව වන්නට ඇතැයි සැක කරන බවයි.
මේ අනුව, පවතින තත්ත්වයන් නිරාකරණය කර සේවා යළි ස්ථාපිත කිරීමට කටයුතු කරන බවත් එහිදි සම්පූර්ණ වශයෙන් සේවා යථා තත්ත්වයට පත් කිරීමට යම් කාලයත් ගතවන බවත් එම අඩවි මගින් කරුණු දක්වා ඇත.
ශ්‍රී ලංකාවේ මෙම ස්කයිප් බිඳ වැටීම් හමුවේ ,මෙය පදනම් කර ගනිමින් අන්තර්ජාල සේවා හා අනිකුත් ව්‍යාපාරික කටයුතු සිදු කරන බොහෝ පිරිස්ද දැඩි අපහසුතාවයකට පත්ව ඇති බවද වාර්තා වේ.
